即check「7+1」營養標籤
由七月一號起實施嘅營養標籤新法，規定所有預先包裝食品要標明熱量(Energy)同七種指定營養素，例如蛋白質(Protein)、碳水化合物(Carbohydrates)、總脂肪(Total Fat)、飽和脂肪酸(Saturated Fatty Acids)、反式脂肪酸(Trans Fatty Acids)、納(Sodium)同糖(Sugars)嘅分量，俗稱「7+1」營養標籤法。大家想食得健康，可參考圖中嘅數值嚟購買零食。
零食揮手區
而家全港市面上大約七萬三千款預先包裝食物，食環處估計受影響而撒出香港嘅會有四千多款食品，以下幾款亦會被out。當中有冇啲大家成日食開嘅呢？
(由左至右, from left to right)
呢款黃色招紙嘅檸檬糖都算經典，士多一向逐粒散賣，可惜條例實行後唔俾，最終都逃唔出揮手區。
呢款可樂糖嚟自台灣，但營養標籤偏偏就冇咗糖分，唔想out就快啲加番落去啦！
(由左至右, from left to right)
時興隆芝士條大家應該唔會陌生，可惜佢嘅營養標籤入面冇咗反式脂肪同飽和脂肪酸，所以要同大家暫別，都希望佢盡快回歸啦！
太郎蒲燒鰻魚係唔少八十後小學雞時代至愛，但佢嘅包裝因為完全冇營養標籤，照計都難逃法網。
Made in Korea 嘅燒鱈魚乾，雖然附有中英對照嘅營養楆籤，不過就冇反式脂肪酸同飽和脂肪酸，一樣要out！
百邦一向係小學雞嘅至愛，但呢款朱古力曲奇嘅營養楆籤只得日文，令到好多𡃁仔要佢講拜拜。